Öffentliches Forum
  - Wärmepumpen

Bei den Großen passiert das genauso ,
Nur weil hier einer sich über Ovum beschwert ist das noch lange nicht richtig.
Und dem Heizer kann man glauben, muss man aber nicht

Also, der Ton do isch scho echt erstaunlich. Bei mir war’s au so, dass i an Fabrikatsfehler g’habt hab. Klar, des isch halt einfach, des dem Heizungsbauer in die Schuah zu schieb’. Aber was wirklich komisch isch: Des gibt’s grad in dera Branche öfters. I kenn’s beruflich anders – do reagieret die Hersteller oft ganz anders. Aber gut, jeder kann ja mol so an KI-Helfer dransetza, der des ganze Kundenfeedback zu Ovum zammaträgt. Wahrscheinlich hättet dr Chrini ond i dann koi Ovum kauft

I hab damals Ovum und meim Sani g’sagt, i hol des Ersatzteil selber. Wär kei Akt g’wese – 175 Kilometer, des fahr i mit’m alten Diesel locker in zwei Stund. Aber nei, se meinet, des wird mit Hermes g’schickt. Joa, und dann? 9 Werktag! Neun! Für 175 Kilometer! Des schafft mei Oma mit’m Rollator schneller, und die macht unterwegs no Halt beim Bäcker.

Aber i schreib jetzt nix mehr dazu. I glaub, der Chrini1 hat au langsam die Schnauze voll von dem Forum hier – und i kann’s ihm net verdenke. Isch halt a Plattform, wo se gern des **** aufreiße, wenn’s um Geld von de Hersteller geht, aber wehe, ma kritisiert mol was. Dann isch glei Ruh im Karton.

Also, viel Spaß no beim Warten auf Päckle – i geh derweil mei Rollator öle.